Gerd Oberleitner Nazioarteko Zuzenbideko katedraduna eta Giza Eskubideen eta Giza Segurtasunaren UNESCO Katedraren titularra da Grazeko Unibertsitatean, Austrian. Era berean, Nazioarteko Zuzenbideko eta Nazioarteko Harremanetako Institutuko zuzendaria eta Giza Eskubideen inguruko Prestakuntzako eta Ikerkuntzako Zentroko zuzendaria da aipatutako unibertsitatean.
Aholkulari juridikoa izan da Austriako Kanpo Gaietarako Ministerioaren Giza Eskubideen sailean (1998-1999); Giza Eskubideen arloko irakaslea, berriz, London School of Economics and Political Science ikastegian (2002-2004) eta irakasle bisitaria erakunde bereko Giza Eskubideen Ikerketarako Zentroan (2004-2007). Akademiko gonbidatua izan da Europako Unibertsitate arteko Zentroan, Venezian (2009), eta Quebeceko Unibertsitatean, Montrealen (2010), eta, era berean, irakasle gonbidatua Pristinako Unibertsitatean (2010), Liublianakoan (2013-2016) eta Rutgers Universityn, Estatu Batuetako Camden hirian (2016).
Irakaslea da, halaber, Europako hego-ekialdeko demokrazia eta giza eskubideei buruzko eskualdeko Master europarrean (Sarajevon), giza eskubideei eta demokratizazioari buruzko Master europarrean (Venezian) eta Latinoamerikara eta Karibera bideratutako giza eskubideei eta demokratizazioari buruzko Masterrean (Buenos Airesen).
Argitara eman dituen lanen artean azpimarragarriak dira: Global Human Rights Institutions: between Remedy and Ritual (Polity, 2007); Human Rights in Armed Conflict: Law, Practice, Policy (Cambridge University Press, 2015); (editorekide gisa) Blurring Boundaries: Human Security and Forced Migration (Brill, 2017); eta (editore gisa) Human Rights Institutions and Tribunals – Legacy and Promise (Springer, 2018).